Pia hæstánægð með Íslandsför
Setja bókamerki
Pia Kjærsgaard, forseti danska þingsins, segir mikinn heiður að hafa fengið tækifæri til að taka þátt í hátíðarþingfundinum á Þingvöllum í gær. Þetta kemur fram í færslu sem hún birtir á Facebook.
Pia er heilluð af Þingvöllum. Hún rifjar upp 1100 ára sögu Alþingis, sem lengst af var háð á Þingvöllum og segir anda sögunnar svífa yfir vötnum. Þá sé auðvelt að ímynda sér hvernig hraunið getur litið út eins og tröll og veitt Íslendingum innblástur í sögur um hinar goðsagnakenndu verur.
Með færslunni birtir Pia mynd af sér og Vigdísi Finnbogadóttur, sem hún segir ánægjulegt að hafa fengið að hitta.
Pia Kjærsgaard var ræðumaður á hátíðarþingfundinum í gær og óhætt að segja að koma hennar hafi sett svip sinn á fundinn.
Þingflokkur Pírata sniðgekk til að mynda fundinn í mótmælaskyni við það að Piu skyldi boðið og þá gekk Helga Vala Helgadóttir, þingkona Samfylkingarinnar, á braut þegar Pia steig í ræðustól.
Pia er einn stofnenda danska þjóðernisflokksins Dansk Folkeparti. Hún hefur ítrekað komist í fréttir fyrir ummæli sín um útlendinga m.a. lét hún þau orð falla í fréttabréfi flokksins árið 2001 að múslimar væru fólk sem „lygi, svindlaði og blekkti“. Var hún kærð fyrir þessi ummæli en saksóknari lét málið niður falla.
Mæðgur dæmdar til að greiða 64 milljónir
Erlendir miðlar greina frá tíunda gosinu
Átti ekki að láta pirring bitna á sjúklingi
„Erum í miðri hrinu“: Styttist í Eldvörp
Hraun fór yfir Grindavíkurveg
Myndir: Grindavíkurvegur aftur undir hraun
Á algjöru frumstigi eftir þrjár vikur af verkfalli
„Má segja að þetta gos hafi þjófstartað“