RÚV fékk ekki greitt vegna útsendingar
Setja bókamerki
Ekki hafa fengist svör um hver endanlegur kostnaður við hátíðarfund Alþingis á Þingvöllum er. Greint hefur verið frá því að upphaflega hafi verið gert ráð fyrir 45 milljóna króna kostnaði en nú er gert ráð fyrir 80 milljónum. Upphafleg kostnaðaráætlun var gerð fyrir 18 árum.
Skarphéðinn Guðmundsson dagskrárstjóri RÚV, sem var með beina útsendingu frá fundinum, segir í skriflegu svari við fyrirspurn mbl.is að Ríkisútvarpið hafi ekki fengið neitt greitt frá Alþingi vegna útsendingarinnar í gær.
Helgi Bernódusson, skrifstofustjóri Alþingis, sagði í gær að skýra mætti aukinn kostnað vegna þess að upphafleg kostnaðaráætlun miðaði við kostnað af síðasta hátíðarfundi á Þingvöllum sem haldinn var árið 2000.
Helgi sagði að meiri kröfur væru gerðar til sjónvarpsútsendinga núna en fyrir 18 ár og það sé dýrt.
Gert hafði verið ráð fyrir nokkrum þúsundum gesta en talið er að þeir hafi verið rúmlega 300 talsins og hluti þeirra erlendir ferðamenn.
Forstöðumaður skrifstofu Alþingis sagði að ekki væri hægt að segja til um kostnaðinn að svo stöddu og sagði að unnið væri að frágangi eftir atburði gærdagsins.
„Þetta kemur á óvart“
Yfir 200 skjálftar frá upphafi hrinunnar
Minntust 10 ára drengs sem lést á öðrum degi jóla
Snjóruðningur hófst um fjögur í nótt
„Verðum að grípa til ráðstafana sjálf“
Kann að vera þjóðráð að líta út fyrir þingflokkinn
„Við erum sátt“
Harðákveðinn í að setjast ekki í helgan stein