Gæsluvarðhald framlengt um 4 vikur

Héraðsdómur Vesturlands framlengdi í morgun gæsluvarðhald yfir manni, sem er grunaður um að hafa stungið bróður sinn á Akranesi, um fjórar vikur, eða til 29. ágúst.

Frétt af mbl.is

Grunaður um að hafa stungið bróður sinn

Úrskurðurinn hefur verið kærður til Landsréttar.

Gæsluvarðhald yfir manninum átti að renna út í dag en hnífstunguárásin var framin aðfaranótt 23. júlí. Sá sem varð fyr­ir árás­inni er á bata­vegi.

Frétt af mbl.is

Í gæsluvarðhaldi til 2. ágúst

Jón Haukur Hauksson, staðgengill lögreglustjórans á Vesturlandi, segir að Landsréttur muni kveða upp sinn dóm annaðhvort á morgun eða á mánudaginn.

Hann segir skýrslutökur í málinu vera að mestu leyti búnar og að rannsókn miði vel.

Maðurinn var úrskurðaður í gæsluvarðhald til 29. ágúst. mbl.is

Í mjög annarlegu ástandi

Lög­regl­unni á Akra­nesi barst til­kynn­ing frá sjúkra­hús­inu á Akra­nesi aðfaranótt 23. júlí um að þar léti maður ófriðlega í mjög ann­ar­legu ástandi. Þegar lög­regla kom á vett­vang reynd­ist hann hafa stungið af og framið skemmd­ar­verk á sjúkra­hús­inu.

Síðar hafði maður sam­band við lög­reglu og til­kynnti um að ráðist hefði verið á sig. Þegar lög­regla kom á vett­vang reynd­ist maður­inn sem til­kynnti um árás­ina hafa stungið árás­ar­mann­inn, þann sem látið hafði ófriðlega á sjúkra­hús­inu. Játaði maður­inn að hafa stungið árás­ar­mann sinn, sem særðist al­var­lega og var flutt­ur á Land­spít­al­ann. 

• Blogga um frétt