Skólavörðustígur var í hádeginu málaður í regnbogalitum í tilefni Hinsegin daga í Reykjavík, en þá setti Dagur B. Eggertsson borgarstjóri hátíðina formlega.

Til stendur að mála Skólavörðustíg, frá Bergstaðastræti að Bankastræti, í öllum litum regnbogans af gestum og gangandi undir leiðsögn starfsfólks Reykjavíkurborgar. Stjórn Hinsegin daga hvetur gesti á öllum aldri til að mæta og taka þátt í opnun hátíðarinnar.

Hinsegin dagar hafa verið haldnir árlega í Reykjavík frá árinu 1999 og hefur hátíðin vaxið og dafnað með hverju ári. Í ár standa Hinsegin dagar frá 7. til 12. ágúst og á dagskránni eru ríflega 30 viðburðir af ýmsum toga.

Hinsegin dagar ná hápunkti sínum laugardaginn 11. ágúst með gleðigöngu og útihátíð. Að þessu sinni fer gleðigangan frá Sæbraut við tónlistarhúsið Hörpu að Hljómskálagarðinum þar sem útihátíð ársins fer fram. 

Tengdar fréttir

Hinsegin dagar 2018

Mikið um dýrðir í gleðigöngunni

• „Frelsisstríðum lýkur aldrei“
• Gleðin við völd
• Markmiðið að vera ekki í felum
• Frelsi til að vera frábær

» Fleiri tengdar fréttir

• Blogga um frétt