Áletranir í Stöðvarfirði standast ekki lög

Áletranir á kletta og náttúrumyndanir í Stöðvarfirði brjóta í bága við náttúruverndarlög. Listamaður fékk heimild fyrir áletrununum frá landeigendum staðarins og heimilaði Fjarðabyggð verkin.

Sigrún Ágústsdóttir, sviðsstjóri Umhverfisstofnunar, segir að stofnunin bíði svara frá Fjarðabyggð. „Þarna er skýrt bannákvæði í lögunum,“ segir hún.

Umhverfisstofnun ber að fylgja eftir náttúruverndarlögunum og hefur því sent fyrirspurn til Fjarðabyggðar um frekari upplýsingar varðandi leyfisveitingu sveitarfélagsins, að því er fram kemur í Morgunblaðinu í dag.