Nálgast tvö hundruð ára aldur samanlagt

Trausti Magnússon og Hulda Jónsdóttir eru elstu núlifandi hjón á Íslandi. Trausti fagnar 100 ára afmæli sínu í dag en þrjú ár eru í að Hulda fagni sama áfanga.

Í umfjöllun um hjónin í Morgunblaðinu í dag segir dóttir þeirra æðruleysi og reglulegar máltíðir geta skýrt háan aldur og góða heilsu foreldra sinna.

Hjónin voru vitaverðir í Sauðanesvita í 39 ár en Sauðanes var ekki í sambandi við veg í átta af þeim árum. Þá var einfaldlega gengið yfir til Siglufjarðar til þess að komast í verslun. Hjónin eru því vön útiveru og fer Trausti gjarnan í göngur með dóttur sinni.