Enginn vafi um sjálfbærni veiðanna
Setja bókamerki
Gísli Víkingsson, sjávarlíffræðingur hjá Hafrannsóknarstofnun, segir hvalveiðar Íslendinga vera sjálfbærar, enginn vafi leiki á því. „Þessir kvótar eru sjálfbærir, þeir eru mjög varfærnislega ákvarðaðir,“ segir Gísli.
Líkt og mbl.is greindi frá fyrr í morgun sagði Guðmundur Ingi Guðbrandsson, umhverfis- og auðlindaráðherra, í svari við fyrirspurn á Alþingi að hann efaðist um sjálfbærni hvalveiða Íslendinga.
Hafnrannsóknarstofnun leggur til að árlegar veiðar á langreyði verði ekki meiri en 161 dýr á ári á tímabilinu 2018 til 2025. Gísli segir að ráðgjöfin sé mjög varfærnisleg. „Það liggur mjög mikil úttektarvinna að baki þessum kvótum, bæði hjá vísindanefnd alþjóðahvalveiðiráðsins og vísindanefnd Norður-Atlantshafs Sjávarspendýraráðsins,NAMMCO. Þetta er mjög varfærnislegt módel þar sem tekið er tillit til veikustu forsendanna í hverju tilfelli,“ segir Gísli. „Af þeim stofnum sem við veitum ráðgjöf er þetta með því varfærnislegasta sem við gerum.“
Í ráðgjöf Hafrannsóknarstofnunar fyrir langreyði árin 2018 til 2025 segir að langreyði hafi fjölgað jafnt og þétt við Ísland frá upphafi hvalatalninga árið 1987 og var fjöldinn í síðustu talningu sá mesti síðan talningar hófust. „Besta leiðrétta mat fyrir allt talningasvæði Íslands og Færeyja árið 2015 var 40.788 langreyðar,“ segir í ráðgjöf stofnunarinnar.
Hagsmunir íbúa að leiðarljósi
Munu áfrýja beint til Hæstaréttar
„Allt í rusli“ við brúargerð á Vestfjörðum
Jón „mun ekki koma nálægt meðferð hvalamálsins“
Glíma enn við eftirköst E.coli-smits í Efstadal
Nokkrar skriður féllu á Vestfjörðum
„Einhverjir töfrar sem gerast“
Deilan enn í hnút eftir tveggja vikna verkföll