Menningarnótt á einum besta degi ársins

Miðborg Reykja­vík­ur hef­ur verið troðfull af fólki í all­an dag, sem hef­ur notið ein­muna veður­blíðu og ým­issa viðburða á Menn­ing­arnótt. Guðmund­ur Birg­ir Hall­dórs­son, verk­efna­stjóri viðburða á Menn­ing­arnótt, seg­ist hæst­ánægður með dag­inn.

„Við erum auðvitað rosa­lega ánægð með þetta veður. Það er ekki sjálfsagt að einn besta dag sum­ars­ins beri upp Menn­ing­arnótt,“ seg­ir Guðmund­ur, sem er stadd­ur á Arn­ar­hóli.

Hann seg­ir að talað sé um að yfir hundrað þúsund manns hafi komið í miðborg­ina í dag. „Það var mjög góð mæt­ing,“ seg­ir Guðmund­ur og bæt­ir við að viðburðir dags­ins hafi verið vel sótt­ir. 

Ljós­mynd­ar­ar mbl.is hafa verið á flakki um miðbæ­inn og litið við á ýms­um stöðum. Margt bar fyr­ir augu í miðbæn­um, tón­leik­ar og aðrir listviðburðir af ýms­um toga voru á hverju strái og einnig kíkti ljós­mynd­ari í vöfflu­boð í heima­húsi.

Dag­skrá­in nær há­marki í kvöld með stór­tón­leik­um bæði við Arn­ar­hól og í Hljóm­skálag­arðinum og svo veg­legri flug­elda­sýn­ingu, sem skotið verður upp frá Ægis­garði að venju á slag­inu 23:00.

Guðmund­ur seg­ir að sýn­ing­in verði sjö mín­útna löng og að það megi bú­ast við mikl­um hama­gangi. Síðan hefst tæm­ing miðborg­ar­inn­ar, þar sem Strætó leik­ur lyk­il­hlut­verk.