Sumarhúsið alelda

Stórt sumarhús við Þingvallavatn, Grafningsmegin, er alelda en fólk í nærliggjandi bústað tilkynnti um eldinn skömmu fyrir hádegi. Auk þess er eldur í gróðri í grennd við sumarhúsið en slökkviliðsmenn telja sig ráða við eldinn.

Pétur Pétursson, slökkviliðsstjóri í Árnes­sýslu, segir að þröngt sé á staðnum en slökkviliðsmenn frá Selfossi og Laugarvatni þurftu að saga niður tré til að koma dælubíl á vettvang.

Frétt af mbl.is

Eldur í sumarhúsi á Þingvöllum

Ekki er hægt að segja til um eldsupptök á þessari stundu og ekki er vitað til þess að fólk hafi verið í bústaðnum sem varð eldinum að bráð. 

• Blogga um frétt