Hlaupa 100 kílómetra á Hengilssvæðinu
Setja bókamerki
Alls taka 372 keppendur þátt í utanvegahlaupinu Hengli Ultra sem hófst í Hveragerði klukkan 22 í kvöld.
Þeir sem hlaupa 100 kílómetra, sem eru um 30 talsins, voru ræstir fyrir framan Skyrgerðina í Hveragerði. Þeir munu hlaupa í alla nótt um Hengilinn og Hellisheiði og eru væntanlegir í mark á milli klukkan 14 og 18 á morgun.
Hengill Ultra er lengsta utanvegahlaup á Íslandi. Fyrir utan metfjölda þátttakenda þá eru keppendur frá sautján þjóðlöndum skráðir til leiks. Þeir koma frá Bandaríkjunum, Kanada, Nýja-Sjálandi, Danmörku, Kólumbíu, Póllandi, Frakklandi, Spáni, Sviss, Bretlandi, Þýskalandi, Svíþjóð, Austurríki, Katalóníu, Tékklandi, Færeyjum og auðvitað Íslandi, að því er segir í tilkynningu.
Fimmtíu kílómetra hlaupararnir eru ræstir klukkan níu í fyrramálið og tuttugu og fimm kílómetrarnir klukkan 13. Klukkutíma síðar leggja þeir sem hlaupa 10 og 5 kílómetra af stað.
25 kílómetra boðhlaup er nýjung á mótinu í ár. Sú braut liggur í gegnum Reykjadalinn, upp að Ölkelduhnjúk og í kringum hann.
Varnargarðar hækkaðir um 3 til 4 metra
Viðræður ekkert þokast frá því á þriðjudag
„Við höldum áfram þangað til við erum búin“
Ása Ellerup flutt út og ætlar að selja húsið
Ökumaður í símanum valdur að umferðarslysi
Reiðubúin að aflýsa verkföllum í fjórum leikskólum
Hulda saksóknari: „Tökum þetta ekki til greina“
Þarf að koma til móts við ólíkar þarfir lækna