Ísland styður á þriðja tug þvingana

Íslendingar eiga í þvingunaraðgerðum gagnvart 27 ríkjum auk vígasamtaka. Aðgerðir þessar eru ákveðnar í samvinnu við alþjóðastofnanir, ríkjahópa eða samstarfsríki í samráði við utanríkismálanefnd Alþingis.

Ríkin sem um ræðir eru m.a. Afganistan, Norður-Kórea, Hvíta-Rússland, Bosnía-Hersegóvína og Rússland.

Í umfjöllun um aðgerðir þessar í Morgunblaðinu í dag kemur fram, að flestar þvingunaraðgerðir snúast um vopnasölubann, frystingu fjármuna og ferðabann. Einnig eru dæmi um annars konar aðgerðir, s.s. bann við olíukaupum og sölu á lúxusvörum, en markmiðið er einkum að viðhalda friði og öryggi.