Hvalveiðar valda einstaka núningi
Setja bókamerki
Hvalveiðar hafa ekki haft teljandi áhrif á hagsmuni Íslands eða samskipti við önnur ríki þó að þær valdi einstaka núningi. Þetta kemur fram í svari utanríkisráðherra við fyrirspurn Þorgerðar K. Gunnarsdóttur um mótmæli gegn hvalveiðum og viðskiptahagsmuni.
„Fyrir Íslendinga sem þjóð svo háða sjávarútvegi og auðlindum hafsins verður ekki samið um rétt Íslands til hvalveiða. Sá réttur er óumsemjanlegur,“ kemur fram í svari ráðherra við spurningu hvort hann styðji að hvalveiðistefna Íslendinga verði endurmetin.
Enn fremur kemur fram að virða beri alþjóðalög og sáttmála. Ekki sé unnt að véfengja rétt Íslands til að nýta sjávarauðlindir á borð við hval með ábyrgum og sjálfbærum hætti; líkt og raunin er.
Ráðherra telur ákvörðun Hvals hf. um að hefja hvalveiðar að nýju 6. júlí ekki hafa nein áhrif á málaleitanir um fríverslunarsamninga við Bandaríkin og Bretland.
„Skjálftaklessa á milli Grímseyjar og Öxarfjarðar“
Slasað barn fær ekki styrk vegna leigu á hjólastól
Vandræði með vatn í Bolungarvík
„Einhverjir töfrar sem gerast“
Deilan enn í hnút eftir tveggja vikna verkföll
Skoða hvort Hvalur 8 og 9 geti hitað upp Suðurnes
Um 3.800 flutt til landsins í ár
Taldi betra fyrir drengina að deyja
