Baldanza hættur í stjórn WOW air
Ben Baldanza er hættur í stjórn flugfélagsins WOW air.
mbl.is/Golli
Setja bókamerki
Bandaríkjamaðurinn Ben Baldanza er hættur í stjórn WOW air. Það gerði hann eftir að hann tók sæti í stjórn flugfélagsins JetBlue í Boston í ágúst.
Þetta kemur fram á vefsíðu Túrista.is.
Baldanza var forstjóri flugfélagsins Spirit en stuttu eftir að hann lét af störfum þar settist hann í stjórn WOW air.
Í samtali við Túrista kveðst Baldanza hafa hætt í stjórn WOW air um leið og hann hóf trúnaðarstörf fyrir JetBlue. Með þessu vildi hann forðast hagsmunaárekstra.
Hann er þó enn kynntur sem stjórnarmaður á vefsíðu WOW air og í útboðsgögnum tengdum skuldabréfaútgáfu flugfélagsins.
Fram kemur á Túrista.is að Baldanza sitji enn fundi hjá WOW air og sinni ráðgjafastörfum fyrir flugfélagið.
Sleginn yfir grófri framkomu gegn fjölskyldunni
Tré brotnuðu og umferðarskilti lagðist á hliðina
/frimg/1/52/87/1528781.jpg)
Óbreytt áform um nýja Ölfusárbrú
Önnur aurskriða við Eyrarhlíð
„Einhverjir töfrar sem gerast“
„Allt í rusli“ við brúargerð á Vestfjörðum
Vandræði með vatn í Bolungarvík
