Rifu bragga frá stríðsárunum án athugasemda
Niðurrifið er hluti af endurgerð Kársnessins. Við endurgerðina víkur meðal annars gamalt iðnaðarhúsnæði fyrir íbúðum. Meðal annars var græni bragginn rifinn.
mbl.is/Baldur
Setja bókamerki
Verktakar í Kópavogi hafa á undanförnum vikum rifið niður græna braggann á Kársnesi. Ágúst Friðgeirsson húsasmíðameistari segir braggann vera frá stríðsárunum. Bragginn hafi staðið á lóð þar sem byggðar verða 86 íbúðir.
Engar athugasemdir hafi borist vegna niðurrifsins. Bragginn var horfinn í gær. Ágúst segir áformað að gera ylströnd og brú yfir Fossvog nærri lóðinni þar sem bragginn stóð.
Niðurrifið í Kársnesi vekur athygli í ljósi þess að norðan megin við Fossvoginn hefur Reykjavíkurborg látið gera upp bragga frá stríðsárunum. Kostnaðurinn reyndist á fimmta hundrað milljónir kr. Kristín Huld Sigurðardóttir, forstöðumaður Minjastofnunar, segir stofnunina ekki hafa gert kröfu um endurbyggingu braggans.
Skattamál verði líklega „þeirra mesta klemma“
Samfylking og Viðreisn gáfu loforð
„Þetta er ríkisstjórn almannahagsmuna“
„Hagræðingarmál eru í fyrsta sæti“
Hrikalegt að heyra fréttirnar
Segir að verið sé að svindla á Bandaríkjunum