Til greina kemur að óska eftir frestun

Til greina kemur að óska eftir því að úrskurðarnefnd umhverfis- og auðlindamála fresti réttaráhrifum nýfallins úrskurðar um ógildingu rekstrarleyfa tveggja fyrirtækja um laxeldi.

Tíminn myndi verða notaður til að bæta úr þeim ágöllum á umhverfismati sem nefndin grundvallaði úrskurð sinn á. Stofnanirnar þrjár sem um ræðir eru enn að skoða hver viðbrögð þeirra ættu að vera og ekki fengust upplýsingar um áform laxeldisfyrirtækjanna.

Í umfjöllun um mál þetta í Morgunblaðinu í dag telur Kristján Þór Júlíusson sjávarútvegsráðherra líklegast að fyrirtækin reyni að hnekkja úrskurðinum fyrir dómstólum og telur eðlilegt að þau leitist við að fá réttaráhrifunum frestað.