Borgaði sig lausan úr farbanni
Sindri mætti í héraðsdóm þegar málið var þingfest og neitaði sök.
mbl.is/Eggert
Setja bókamerki
Sindri Þór Stefánsson, sem ákærður er í gagnaversmálinu svokallaða, er ekki lengur í farbanni þrátt fyrir að hafa verið úrskurðaður í farbann til 25. október næstkomandi. Hann mun hafa greitt tryggingu til að losna undan banninu. Fréttablaðið greinir frá þessu og hefur það staðfest frá Öldu Hrönn Jóhannesdóttur hjá lögreglunni á Suðurnesjum.
Samkvæmt heimildum Fréttablaðsins er Sindri nú staddur á Spáni ásamt fjölskyldu sinni.
Sjö eru ákærðir í málinu sem er eitt umfangsmesta þjófnaðarmál sem komið hefur upp hér á landi og varðar þjófnað á 600 öflugum bitcoin-leitarvélum úr þremur gagnaverum í lok síðasta árs og upphafi þessa árs.
Málið var þingfest í Héraðsdómi Reykjaness um miðjan september en allir sakborningar neituðu sök.
Sólveig Anna furðar sig á aðferðum kennara
Hópur fólks reyndi að komast að eldgosinu
Maskína: Framsókn í fallbaráttu
Hótar Bretum og Bandaríkjamönnum
/frimg/1/53/8/1530849.jpg)
Fatlaður drengur fær ekki þjónustu í verkfalli
Hraunið við bílastæði Bláa lónsins