Hallur Símonarson, innri endurskoðandi Reykjavíkurborgar, telur augljóst að skoða þurfi innkaupaþáttinn sérstaklega í tengslum við framkvæmdir á yfir 400 milljóna króna bragganum í Nauthólsvík.

Aðspurður telur Hallur sig vel hæfan til verksins enda sé embættið óháð borgarstjóra. Vigdís Hauksdóttir, borgarfulltrúi Miðflokksins, segir að ekkert bendi til þess að farið hafi verið í neitt útboð hjá borginni í tengslum við málið. Ítrekar hún nauðsyn þess að fá óháðan aðila til að rannsaka málið.

„Ég treysti innri endurskoðanda sem manni og persónu en mér finnst þetta mál vera svo stórt og það eru svo margar spurningar og svo mikill feluleikur að það verði að fá óháðan aðila til að fara í saumana á því,“ segir Vigdís í umfjöllun um mál þetta í Morgunblaðinu í dag og bendir á að innri endurskoðandi sitji m.a. fundi borgarráðs.

Tengdar fréttir

Bragginn í Nauthólsvík

Borgin þegar brugðist við bragga-ábendingum

• Skjalavarsla vegna braggans ekki í samræmi við lög
• Vill umræðu um álit Trausta
• „Sýnir að Bragginn var frávik“
• Tölvupóstum vegna braggamálsins var eytt

» Fleiri tengdar fréttir