Leita til lækna eftir meðferð erlendis

„Sjálf hef ég séð vinnu sem aldrei myndi teljast ásættanleg hér heima,“ segir Elín Sigurgeirsdóttir, sérfræðingur í munn- og tanngervalækningum, og vísar í máli sínu til ferða Íslendinga til tannlækna í Austur-Evrópu.

Morgunblaðið setti sig í samband við nokkra íslenska tannlækna og sögðu þeir enga almenna reynslu vera komna af þeirri þjónustu sem boðið væri upp á í þessum tilboðsferðum.

Í blaðinu kemur þó fram, að þeir vissu dæmi þess að fólk hefði þurft að leita til tannlækna hér eftir meðferð erlendis.