Varað við óviðeigandi mannaferðum á Seltjarnarnesi

Á Facebook-síðu Seltjarnarnesbæjar er varað við óviðeigandi mannaferðum sem sést hefur til á undanförnum dögum í bænum. Segir að þar hafi menn skimað inn í garða, götur og innkeyrslur og tekið ljósmyndir, jafnvel í rökkri.  

„Í ljósi þess að nú er vetrarfrí að hefjast og margir á faraldsfæti þá hvetjum við íbúa til að vera sérstaklega á varðbergi, gera varúðarráðstafanir og fylgjast með í sínu nærumhverfi,“ segir í færslunni, en lögreglan hefur verið upplýst um atvikin.

Tekin eru fram nokkur atriði sem fólk er beðið að hafa sérstaklega í huga:

• Loka gluggum, krækja þá aftur
• Hafa einhver ljós kveikt í húsinu
• Hafa kveikt á útvarpi
• Hreyfinema á útiljósum þannig að þau kvikni við umgang
• Loka bakgarði og öðrum stöðum þar sem hægt er að athafna sig úr augsýn
• Ekki hafa neitt sýnilegt í bílum

• Blogga um frétt