Með óhlaðin vopn í Þjórsárdal

„Hermenn þessir verða klæddir í hermannafatnað og bera vopn, óhlaðin, en engin skotfæri eru leyfð á þessari æfingu,“ segir lögreglan á Suðurlandi vegna heræfinga bandarískra hermanna í Þjórsárdal í dag og á morgun.

Frétt af mbl.is

Herskip NATO áberandi í höfnum

Á Facebook-síðu lögreglunnar kemur fram að hermennirnir hafi verið með undirbúningsæfingar á Íslandi en þó aðallega á Reykjanesi og við Keflavíkurflugvöll.

Tilgangurinn með gönguæfingunni í Þjórsárdal er að undirbúa hermennina til veru í slæmu veðri og kanna þolmörk þeirra í göngu með þungan búnað.

Frétt af mbl.is

Heræfing sama dag „óheppileg tilviljun“

Engar lokanir hafa verið settar upp vegna æfingarinnar og ekki er gert ráð fyrir því að hún trufli umferð að neinu leyti eða valdi raski.

Lögreglan á Suðurlandi, ásamt sérsveit ríkislögreglustjóra, verður með gæslu á svæðinu og hermönnunum til aðstoðar.

Frétt af mbl.is

Hugnast ekki heræfingar

• Blogga um frétt