Háskólinn í Reykjavík hefur fengið tvær af þrjá byggingum braggans við Nauthólsvík afhentar frá borginni, en ekki allar þrjár líkt og Óli Jón Hertervig, starfandi skrifstofustjóri skrifstofu eigna og atvinnuþróunar (SEA) greindi frá í morgun. Í svari hans við skriflegri fyrirspurn mbl.is kom fram að framkvæmdum við braggann af hálfu Reykjavíkurborgar sé lokið og að HR hafi tekið húsnæðið í notkun.

Frétt af mbl.is

Framkvæmdum af hálfu borgarinnar lokið

Svokallað náðhús, sem mun hýsa fundarherbergi sem nýtt verður í tengslum við braggann og frumkvöðlasetur HR, er ekki tilbúið og hefur ekki verið afhent HR til leigu samkvæmt upplýsingum frá HR.

HR hefur hins vegar tekið við Bragganum sjálfum til leigu og þar er hafin er veitingastarfsemi sem miðuð er að þörfum stúdenta. Þá hefur HR einnig fengið frumkvöðlasetrið afhent til leigu. 

Verið er að vinna að innanhúshönnun og kaupum á lausum búnaði fyrir frumkvöðlasetrið, á vegum HR, og búist er við að hægt verði að opna það í janúar næstkomandi. Öllu óljósari staða er hins vegar um náðhúsið svokallaða.

Náðhúsið, sem til stendur að nota sem fundarherbergi fyrir HR, er ein þriggja bygginga við braggann í Nauthólsvík. mbl.is/Árni Sæberg

Tengdar fréttir

Bragginn í Nauthólsvík

Borgin þegar brugðist við bragga-ábendingum

• Skjalavarsla vegna braggans ekki í samræmi við lög
• Vill umræðu um álit Trausta
• „Sýnir að Bragginn var frávik“
• Tölvupóstum vegna braggamálsins var eytt

» Fleiri tengdar fréttir

• Blogga um frétt