Öllum afgreiðslustöðum og þjónustuveri Póstsins verður lokað klukkan 14:55 í dag. Fram kemur í fréttatilkynningu frá Póstinum að fyrirtækið styðji þær konur „sem ætla að sýna samstöðu og leggja niður störf á kvennafrídeginum og vekja með því athygli á kynbundnum launamun.“

Segir Pósturinn að einnig megi búast við röskunum á annarri starfsemi fyrirtækisins í dag.

„Pósturinn leggur mikla áherslu á kjör og laun kynjanna séu jöfn. Fyrirtækið hlaut nýlega jafnlaunavottun sem staðfestir að fyrirtækið standist kröfur um launajafnrétti kynja á vinnustöðum. Áður hafði fyrirtækið hlotið Gullmerkið í jafnlaunaúttekt PwC,“ segir í tilkynningunni.

Tengdar fréttir

Kvennafrídagur 2018

Vissu að ákvörðunin yrði umdeild

• Hafna ályktunum Sigríðar
• Dómgreindarleysi að setja OR-málið í brennidepil
• Segir dómsmálaráðherra á hálum ís
• Rangar ályktanir um launamun kynja

» Fleiri tengdar fréttir

• Blogga um frétt