Alþingi hefur formlega tekið fyrsta græna skref Umhverfisstofnunar. Forseti Alþingis, Steingrímur J. Sigfússon, tók við viðurkenningu fyrir hönd Alþingis vegna þess í dag. Hólmfríður Þorsteinsdóttir, sérfræðingur á sviði loftslagsmála og græns samfélags, afhenti Steingrími viðurkenninguna.

Markvisst hefur verið unnið að því að gera Alþingi að umhverfisvænum vinnustað undanfarin misseri, að því er segir í tilkynningu frá skrifstofu Alþingis.

Stórlega hefur dregið úr pappírsnotkun, prenturum hefur verið fækkað, rusl er flokkað á öllum starfsstöðvum, plastglös og einnota borðbúnaður eru ekki notuð, ræstiefni eru umhverfisvottuð og starfsmönnum er boðið upp á samgöngusamninga, svo fátt eitt sé nefnt.

Eftir að hafa tekið við viðurkenningunni lýsti forseti Alþingis því yfir að næsta skref yrði að hefja undirbúning að því að kolefnisjafna alla starfsemi Alþingis.

Tengdar fréttir

Umhverfisvitund

Heildarflatarmálið stækkar við endurskoðun

• Fanga losun frá stóriðju og nýta í eldsneyti
• BM Vallá og Kapp hlutu umhverfisverðlaun
• Carbfix hlýtur Nýsköpunarverðlaun Íslands
• Hætt við að Ísland nái ekki að uppfylla markmiðin

» Fleiri tengdar fréttir

• Blogga um frétt