Kjaramálin hafa verið í brennidepli að undanförnu og verða þau aðalatriðið í útvarpsþættinum Þingvöllum sem er á dagskrá á K100 klukkan 10 í dag. Á rúmlega einni viku hefur verið skipt um forystu í bæði ASÍ og BSRB. Nýrra strauma gætir í kröfum verkalýðsforystunnar og á sama tíma og margir hafa lýst ánægju með áherslur verkalýðsforystunnar hafa aðrir haft uppi varúðarorð.

Hlusta má á þátt­inn hér.

Í þættinum í dag mun Þröstur Ólafsson, hagfræðingur og fyrrverandi framkvæmdastjóri verkamannafélagsins Dagsbrúnar og einn helsti smiður að þjóðarsáttinni, ræða við Björt Ólafsdóttur. Hann er meðal þeirra sem hafa gagnrýnt aðferðafræði núverandi forystu verkalýðsfélaganna. Einnig kemur nýkjörinn formaður, BSRB Sonja Ýr Þorbergsdóttir, og svo Eyjólfur Árni Rafnsson, formaður Samtaka atvinnulífsins, sem hefur hvatt sína félagsmenn til að viðhafa ábyrgð á vinnumarkaðnum í heild og raska ekki jafnvægi þar með ofurlaunum. 

Þátt­ur­inn Þing­vell­ir er á dag­skrá alla sunnu­dags­morgna klukk­an 10 á út­varps­stöðinni K100.

Tengdar fréttir

Kjaraviðræður

Hóflega bjartsýn á að samningar náist

• Boðaðar verðhækkanir vinni gegn samningsforsendum
• „Oft hefur verið þörf en nú er nauðsyn“
• „Ýkjukennt“ að segja viðræður „í rífandi gangi“
• Kjaraviðræður kennara „seinlegt verkefni“

» Fleiri tengdar fréttir

• Blogga um frétt