Ný forysta Alþýðusambands Íslands (ASÍ) kemur saman til fundar í dag en Drífa Snædal, nýkjörinn forseti sambandsins, ætlar að hitta varaforsetana Vilhjálm Birgisson og Kristján Þórð Snæbjarnarson.

„Við ákváðum að taka helgina rólega og svo byrjar alvara lífsins,“ sagði Drífa í samtali við Morgunblaðið í gærkvöldi. Tilgangur fundarins er að hefja vinnu við úrvinnslu ályktana sem samþykktar voru á þingi ASÍ fyrir helgina.

Þar var m.a. samþykkt að hafna ofurbónusum og óhóflegum arðgreiðslum til fyrirtækjaeigenda og að fulltrúar launþega í lífeyrissjóðunum ynnu í samræmi við stefnu verkalýðshreyfingarinnar. Samtökin vilja að stjórnarmenn lífeyrissjóða beiti sér fyrir því að starfsfólk fyrirtækja njóti arðsemi ekki síður en hluthafarnir.

„Mér líst mjög vel á þetta,“ segir Drífa í Morgunblaðinu í dag um nýja forystu ASÍ. „Það er ákveðið jafnvægi í þessu, ólíkir einstaklingar en grunnur fyrir góðu samstarfi.“

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Ásmundur: Styð að við bætum kjör og aðbúnað kennara

» Fleiri tengdar fréttir