Vilja fjölga selaskoðunarstöðum

Búist er við að yfir 40 þúsund gestir komi í ár í Selasetrið á Hvammstanga til að fræðast um og skoða seli í nágrenninu.

Helstu selaskoðunarstaðir við Vatnsnes eru Svalbarð, Illugastaðir og Ósar/Hvítserkur og er áætlað að yfir 100 þúsund manns komi þangað á þessu ári.

Áhugi er á að fjölga selaskoðunarstöðum á Vatnsnesi í Húnaþingi vestra til að dreifa álagi og auka fjölbreytni. Auglýst hefur verið deiliskipulagstillaga að slíkum stað á eyðibýlinu Flatnefsstöðum, að því er fram kemur í umfjöllun um þetta mál í Morgunblaðinu í dag.