Í gæsluvarðhald vegna hnífstungu

Karlmaður um sextugt var í morgun úrskurðaður í gæsluvarðhald í Héraðsdómi Suðurlands til fimmtudagsins 8. nóvember vegna rannsóknar á líkamsárás sem átti sér stað í heimahúsi í Þorlákshöfn á sunnudag.  

Þetta kemur fram í tilkynningu frá lögreglunni á Suðurlandi.

Maðurinn er talinn hafa veitt konu á fimmtugsaldri stunguáverka á kvið með hnífi. Konan var flutt af vettvangi á sjúkrahús, með sjúkrabifreið, þar sem hún dvelur enn en er ekki talin í lífshættu. Báðir aðilar eru af erlendu bergi brotnir en hafa verið búsettir hér og unnið um lengri tíma.

Lögreglan veitir ekki frekari upplýsingar um málið að sinni.

• Blogga um frétt