Vegna forgangsréttarákvæðis í samningum við Icelandair gætu félagsmenn í Félagi íslenskra atvinnuflugmanna (FÍA) átt forgang á flug í flugvélum WOW air. Með því yrðu flugmenn lággjaldaflugfélagsins á sama kjarasamningi og flugmenn Icelandair. Flugmenn WOW air eru nú í sérstöku stéttarfélagi.

Bogi Nils Bogason, starfandi forstjóri Icelandair Group, kveðst aðspurður ekki getað tjáð sig um kjaramál. Sem kunnugt er stendur til að sameina félögin.

Samkvæmt heimildum Morgunblaðsins er vandséð hvernig yfirtaka Icelandair Group á WOW air á að geta gengið upp ef flugmenn lággjaldafélagsins eiga að njóta sömu starfskjara og flugmenn Icelandair. Nýtingin á flugmönnum WOW air hafi verið töluvert betri.

Það leiði af samningi FÍA við Icelandair að hann hefði aftrað Icelandair Group frá því að stofna lággjaldafélag með öðrum launakjörum en móðurfélagið, að því er fram kemur í umfjöllun um mál þetta í Morgunblaðinu í dag.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir