Kjaraviðræður SA og aðildarfélaga ASÍ eru komnar á fullt skrið. Iðnaðarmenn ganga sameinaðir til samninga og leggja lokahönd á kröfugerð gagnvart SA í vikunni að sögn Hilmars Harðarsonar, formanns Samiðnar.

Í umfjöllun um kjaramálin í Morgunblaðinu í dag segir hann að iðnaðarmenn muni ekki setja fram tölur heldur leggja áherslu á kaupmáttaraukningu og að menntun verði metin til launa, auk þess sem húsnæðismálin muni vega þungt en þau komi illa niður á iðnaðarmönnum sem og öðrum launþegum.

SA og Starfsgreinasambandið hittust á samningafundi í vikunni sem leið og munu funda aftur í vikunni. Björn Snæbjörnsson, formaður SGS, er bjartsýnn og segist aldrei áður hafa upplifað jafn mikinn vilja til þess að klára samingaviðræður og nú en kjarasamningar renna út um áramótin.

Tengdar fréttir

Kjaraviðræður

KÍ: „Rannsóknarefni“ hvernig Inga tjáir sig

• Þarf að koma til móts við ólíkar þarfir lækna
• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar

» Fleiri tengdar fréttir