Kjördæmisþing framsóknarmanna í Reykjavík telur að ástæða sé til að að hafna þriðja orkupakka ESB og að leita þurfi allra leiða til að verja íslenskan landbúnað fyrir hættum sem stafa af óheftum innflutningi.

Þetta kemur fram í ályktun kjördæmisþingsins.

„Kjördæmisþingið telur að margt hafi áunnist með EES-samningnum en leggur áherslu á að vegna sérstöðu Íslands beri að gæta þess að taka ekki upp ónauðsynlegt og hamlandi regluverk sem sniðið er að aðstæðum á meginlandi Evrópu,“ segir í ályktuninni.

Þar er einnig fagnað „farsælu ríkisstjórnarsamstarfi“ Framsóknarflokksins, auk þess sem bent er á að réttlæti sé fólgið í banni við verðtryggðum húsnæðislánum. Réttlæti sé einnig fólgið í lægri vöxtum með tilkomu samfélagsbanka, að húsnæðisliður fari úr vísitölu, svissnesku leiðinni í húsnæðiskaupum, uppskurði lífeyrissjóðakerfisins og lýðræðisvæðingu. Einnig er nefnt að réttur neytenda skuli varinn gegn „ofurvaldi fjármálafyrirtækja“.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: FRAMSÓKNARFLOKKURINN HAFNAR ÞRIÐJA ORKUPAKKANUM......
• Samtök um rannsóknir á ESB ...: Baráttan gegn Þriðja orkupakka ESB þarf að verða enn markvissari