Fram kemur í nefndaráliti meirihluta fjárlaganefndar Alþingis vegna fjárlaga fyrir næsta ár að frá árinu 2011 hafa launagjöld og almannatryggingar hækkað hlutfallslega meira en önnur gjöld. Á hinn bóginn hafa fjárfesting og kaup á vörum og þjónustu dregist hlutfallslega saman.

Árið 2011 námu heildarlaun 97,5 milljörðum króna en árið 2017 höfðu þau hækkað í 157,7 milljarða króna. Heildarlaun hafa því hækkað um 60,2 milljarða kr. eða um 62%. Launavísitalan hefur á þessu tímabili hækkað um 53%, að því er kemur fram í nefndarálitinu.

Á sama tíma fjölgaði ársverkum ríkisstarfsmanna úr 16.366 í 17.097. Fjölgun starfsfólks nemur 731 ársverki eða 4,5 prósentum.  

Í breytingartillögu við frumvarpið kemur jafnframt fram að endurlána skuli allt að 1,5 milljarða króna til Íslandspósts og allt að 1 milljarð króna til Vaðlaheiðarganga ehf.

Tengdar fréttir

Íslandspóstur

Loðin svör frá Póstinum

• Ellefu Palestínumenn koma í dag
• Ríkið veitt Íslandspósti milljarða
• Íslandspóstur vill fara að dreifa bréfum í póstbox
• Breytir póstmarkaði mikið

» Fleiri tengdar fréttir

Fjárlagafrumvarp 2019

Ábyrg sóknarfjárlög

• Fjárlagafrumvarpið samþykkt
• Snúa þarf við hverri krónu
• Takast á um fjárlagafrumvarpið
• Segja fjárlögin óásættanleg

» Fleiri tengdar fréttir

• Blogga um frétt