Fjárlög til þriðju umræðu
Setja bókamerki
Samþykktar voru allar breytingartillögur meirihluta fjárlaganefndar við fjárlagafrumvarpið og fer frumvarpið til þriðju umræðu, en hún hefst á morgun.
Nokkuð hefur verið deilt um fjárlagafrumvarpið að undanförnu og breytingartillögur meirihlutans. En þær hlutu samþykkt.
Þá hefur til að mynda miðstjórn Alþýðusambands Íslands sakað meirihluta fjárlanganefndar Alþingis um að reka „óábyrga ríkisfjármálastefnu,“ og Drífa Snædal, forseti ASÍ, fullyrt að nefndarálit meirihluta fjárlaganefndar sýni að stjórnvöld hafi lítinn skilning á þeim verkefnum sem bíða og hiki ekki við að svíkja gefin loforð.
„Við erum að reyna að laga vond fjárlög og við erum að verja þá hópa sem veikast standa fyrir vondum fjárlögum,“ sagði Logi Már Einarsson, formaður Samfylkingarinnar, við mbl.is í kjölfar blaðamannafundar flokksins í Iðnó í síðustu viku.
Þingmenn Samfylkingarinnar sögðu að aðhaldsaðgerðir ríkisstjórnarinnar við breytingar á fjárlögum tryggi hvorki félagslegan né efnahagslegan stöðugleika og vanræki félagslega innviði.
/frimg/1/9/65/1096527.jpg)
Því hefur verið haldið fram að hagræðingaraðgerð valdi því að meirihluti fjárlaganefndar hafi ákveðið að leggja til minni hækkun framlags til öryrkja.
Formaður Sjálfstæðisflokksins og fjármálaráðherra, Bjarni Benediktsson, hefur hins vegar sagt slíkt af og frá. Þá hefur hann sagt breytingarnar byggja á að beðið sé eftir innleiðingu kerfisbreytinga í bótakerfi öryrkja.
Einnig hefur frumvarpið verið gagnrýnt fyrir að stuðla að of mikilli aukningu útgjalda af þingmönnum Miðflokksins og Viðreisnar.
Jafnframt hefur framkvæmdastjóri Samtaka iðnaðarins, Sigurður Hannesson, lýst vonbrigðum vegna lítillar lækkunar tryggingagjalds.
Tíu börn á spítala, þar af tvö á gjörgæslu
Héldu að kvikuhlaup gæti verið að hefjast
Ekki gerlegt að sakfella eftir lýsingu í ákæru
/frimg/1/52/67/1526758.jpg)
„Það er engin ákveðin hreyfing í deilunni“
Nágranninn fannst látinn við nærliggjandi skóla
Ísrael rýfur öll tengsl við UNRWA
Maðurinn sem lést var íslenskur
/frimg/1/52/66/1526646.jpg)
Gul viðvörun á morgun