Vinstri hreyfingin – grænt framboð mun væntanlega leggjast gegn því að innleiðing þriðja orkupakka Evrópusambandsins í gegnum EES-samninginn verði samþykkt á Alþingi. Þetta er mat Ögmundar Jónassonar, fyrrverandi þingmanns og ráðherra flokksins.

Frétt af mbl.is

Vilja hafna þriðja orkupakka ESB

Vaxandi andstaða við samþykkt þriðja orkupakkans, ekki síst innan Framsóknarflokksins og Sjálfstæðisflokksins, er tilefni skrifa Ögmundar um málið á vefsíðu sinni  en hann segist reikna með að VG leggist einnig gegn því að hann verði samþykktur. „Annað væri hreinlega órökrétt.“

Vísar Ögmundur þar til þess að VG beitti sér gegn því að fyrsti og annar orkupakki Evrópusambandsins yrði samþykktur hér á landi á sínum tíma en þriðji pakkinn er framhald þeirra. Fyrir vikið hljóti málið að vera úr sögunni: „Er málið þá ekki úr sögunni, afgreitt?“

Frétt af mbl.is

Flokkurinn hafni orkupakkanum

Ögmundur segir að EES-samningurinn hafi sífellt gerst ágengari á íslensk innanríkismál í gegnum tíðina. Þar hafi tekist á lýðræðislegur vilji og „málmköld markaðshyggja“. Hvað þriðja orkupakka Evrópusambandsins varðar segir Ögmundur að hann herði hann enn fastar tök markaðshyggjunnar á orkulindum þjóðarinnar.

„Vonandi verður umræða um þriðja orkupakkann til þess að opna á gagnrýna og upplýsta umræðu um EES-samninginn, kosti hans og þá ekki síður galla, sem eru ótvíræðir og hafa að mínum dómi valdið miklu félagslegu og efnahagslegu tjóni.“

Frétt af mbl.is

Vilja vald yfir orkumálum áfram á Íslandi

Samkvæmt niðurstöðum skoðanakönnunar, sem fyrirtækið Maskína gerði fyrir Heimssýn, hreyfingu sjálfstæðissinna í Evrópumálum, síðasta vor voru 80,5% landsmanna andvíg því að færa vald yfir íslensk­um orkumálum til evrópskra stofnana en 8,3% hlynnt. Þar af 86,3% kjósenda VG en enginn sagðist hlynntur því.

Mikill meirihluti stuðningsmanna allra flokka sem sæti eiga á Alþingi sagðist andvígur því að færa vald yfir íslensk­um orkumálum til evrópskra stofnana.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Talsmaður og hlaupatík loddaranna