„Það var alls ekki ætlunin að hafa í hótunum,“ segir Einar Bárðarson, maður Áslaugar Thelmu Einarsdóttur, um bréf sem hann sendi Bjarna Bjarnasyni, forstjóra OR, og Sólrúnu Kristinsdóttur, starfsmannastjóra OR, í kjölfar uppsagnar Áslaugar Thelmu.

Frétt af mbl.is

Sagt upp vegna frammistöðuvanda

„Þetta var óheppilegt orðalag, enda skrifað í mikilli geðshræringu,“ segir Einar og bætir því við að honum þyki furðulegt að þessi tölvupóstsamskipti séu gerð að aðalatriði í málinu, sem sé afar umfangsmikið. Þá segir hann það eðlilegt að gera ýtrustu kröfur þegar gengið sé til samninga.

„Að mínu mati felst engin hótun í þessu og var þetta ekki meint svoleiðis, að öðru leyti en að ef ekki tækist að semja um mannsæmandi málalok þá færum við með málið fyrir dómstóla.“

Frétt af mbl.is

Upplifði póstinn sem hótun

Málinu ekki lokið

Stjórn Orkuveitunnar hyggst fara yfir málið og kanna hvort um fjárkúgun hafi verið að ræða. Einar segist munu taka því verði ákveðið að fara í mál vegna tölvupóstsins. „Og ef ég verð dæmdur fyrir þetta, þá verð ég dæmdur fyrir að standa með konunni minni. Það skammast ég mín ekki fyrir.“

Málinu er ekki lokið af hálfu Áslaugar Thelmu. „Uppsögnin var ólögmæt, sama hvað forsvarsmenn Orkuveitunnar hafa um það að segja, og ef þeir ætla ekki að gangast við því þá er bara ein leið fær,“ segir Einar.

Tengdar fréttir

Málefni OR og Orku náttúrunnar

Áhrif á skjálftavirkni skoðuð frekar

• Vill synda hratt í gegnum sírópsfen leyfisveitinga
• ON vill yfirmat á um 60 milljóna bótamat
• Fordæmalaus bótakrafa í máli Áslaugar
• Áslaug hafði betur gegn ON fyrir Landsrétti

» Fleiri tengdar fréttir

• 3 blogg um fréttina

Bloggað um fréttina

• Þorsteinn Siglaugsson: Fjárkúgun?
• Páll Vilhjálmsson: Einar, þú gerðir annað og verra en styðja eiginkonuna
• Björn Jónsson: Aldrei áður verið sammála.....