Hæstiréttur Íslands hefur fallist á áfrýjunarbeiðni Glitnis Holdco í lögbannsmálinu gegn Stundinni og Reykjavík Media.

Þetta staðfestir Ingólfur Hauksson, forstjóri Glitnis Holdco, við mbl.is og segist vera ánægður með niðurstöðuna.

Frétt af mbl.is

Hafa tvær vikur til að veita umsögn

Fram kom á vef RÚV að Hæstiréttur telji lögbannið hafa fallið úr gildi með dómi Landsréttar og kemur það því ekki á borð dómstólsins. Hæstiréttur telur aftur á móti að það hafi verulegt almennt gildi ef fjallað verður um þá kröfu að Stundinni verði bannað að birta fréttir eða aðra umfjöllun byggða á gögnunum og að blaðinu verði gert að afhenda þau Glitni Holdco.

Bæði Héraðsdóm­ur Reykja­vík­ur og Lands­rétt­ur höfnuðu kröf­um Glitn­is um staðfest­ingu lög­banns sem sýslumaður­inn á höfuðborg­ar­svæðinu lagði á frétta­flutn­ing Stund­ar­inn­ar og Reykja­vík Media. Um­fjöll­un­in bygg­ist á gögn­um um viðskipta­menn Glitn­is banka, sem varð gjaldþrota í októ­ber árið 2008.

Tengdar fréttir

Lögbann á Glitnisskjöl

Breyting á lögum um lögbann á fjölmiðlaumfjöllun

• Dómurinn tjáningarfrelsinu í vil
• Glitnir tapaði í Hæstarétti
• „Rússneskur Pútínblær“ hjá Glitni
• „Fjölmiðlar verði ósnertanlegir“

» Fleiri tengdar fréttir

• Blogga um frétt