Stjórn Framsóknarfélags Grindavíkur (FG) tekur undir yfirlýsingu Framsóknarfélags Reykjavíkur frá því fyrr í dag þar sem hegðun þingmanna á barnum Klaustri var fordæmd.

Frétt af mbl.is

Fordæma ummæli sem féllu á barnum

Stjórn FG segir einnig að svo virðist sem engin iðrun sé hjá formanni Miðflokksins vegna málsins. Þar er vísað í grein sem Freyja Haraldsdóttir skrifaði eftir að Sigmundur Davíð Gunnlaugsson hringdi í hana.

Frétt af mbl.is

Selahljóðin „líklega stóll að hreyfast“

Þess er krafist að allir þingmennirnir skuli víkja úr starfi.

„FG fordæmir harðlega þau ummæli sem féllu á veitingastaðnum Klaustur 20. nóvember sl. Þessi niðrandi og ógeðfelldu ummæli í garð kvenna, fatlaðra, samkynhneigðra og fleiri hópa eru óafsakanleg. Við könnumst heldur ekki við það að svona umræða sé algeng, okkur hefur alla vega ekki verið boðið í þær samræður.

Einnig hörmum við að bæjarfulltrúar Miðflokksins í kjördæmi okkar, einungis harmi þessi skelfilegu ummæli, en fordæma ekki. Að það sé komin ásættanleg lausn að þeirra mati, er miður og liður í meðvirkni.

Viðtal við Freyju Haraldsdóttur sem birt var í kvöld (sunnudag), lýsir [því] að það virðist ekki vera nein iðrun hjá formanni Miðflokksins, allt var þetta misskilningur að mati hans. Þar eru sorglegar tilraunir til að ljúga sig út úr málinu.

Traust og virðing Alþingis er rúin, stjórn FG telur að viðkomandi þingmenn verði að víkja, annað er ekki ásættanleg lausn,“ segir í yfirlýsingunni.

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• 1 blogg um fréttina

Bloggað um fréttina

• Gunnlaugur I.: Farísear í Framsóknarfélagi í Grindavík álykta gegn Sigmundi Davíð.