Útlit er fyrir að næsta ár verði gott í ferðaþjónustunni. Framkvæmdastjóri ferðaskrifstofu segir að bókunartímabilið fyrir árið 2019 fari betur af stað en það gerði fyrir árið 2018.

„Það er engin ástæða til að mála skrattann á veginn,“ segir Sævar Skaptason, framkvæmdastjóri Hey Iceland.

Sævar tekur fram að næsta ár verði ekki jafn gott og árin 2015 og 2016 sem voru einstaklega góð í ferðaþjónustunni. Hann segir að vísbendingar séu um að eftirspurnin frá Evrópu sem dróst saman á þessu ári sé farin að glæðast í kjölfarið á veikingu íslensku krónunnar, að því er fram kemur í Morgunblaðinu í dag.

Almennt má segja að ef evran kostar 140 krónur eða meira eru skilyrði til vaxtar í íslenskri ferðaþjónustu hagstæð. Ef gengið er mikið sterkara er síður raunhæft að greinin vaxi hratt á næstu árum.

Tengdar fréttir

Ferðamenn á Íslandi

Farþegum fjölgaði um 12%

• Eyfellingar mótmæla áformum um hótel
• Stórfelld uppbygging áformuð við Holtsós
• Ferðamaður sem slasaðist þakkaði fyrir sig
• Stórkostlegt bónorð í Mýrdalsjökli

» Fleiri tengdar fréttir