Litlar sem engar líkur eru taldar á að takast muni að ljúka gerð kjarasamninga á almenna vinnumarkaðinum fyrir áramót, þegar gildandi samningar renna út. Mikil vinna og fundarhöld eru þó í gangi milli viðsemjenda og í vinnuhópum og undirnefndum um fjölmörg mál.

Forsvarsmenn verkalýðshreyfingarinnar segja að enn sjái þó ekki til lands í viðræðunum. Bæði verslunarmenn og formenn Starfsgreinasambandsins ætla að fara yfir stöðu samningamálanna á fundum í lok vikunnar og ræða næstu skref, að því er fram kemur í fréttaskýringu i Morgunblaðinu í dag.

Samkvæmt heimildum blaðsins er bráðabirgðatillagna starfhóps um skattabreytingar vænst næstkomandi miðvikudag.

Þessa dagana er verið að leggja kostnaðarmat á gögn sem fengust frá Hagstofunni um vinnutíma, yfirvinnustundir o.fl. samkvæmt upplýsingum Halldórs Benjamíns Þorbergssonar, framkvæmdastjóra SA.

Tengdar fréttir

Kjaraviðræður

Formenn funda aftur með ríkissáttasemjara á morgun

• Formenn KÍ og SÍS funda með ríkissáttasemjara
• „Sýnum þessu börnum og ungmennum nærgætni“
• Komið „meira púður“ í viðræðurnar
• Deilan enn í hnút eftir tveggja vikna verkföll

» Fleiri tengdar fréttir