Kjaramálin voru helsta umræðuefni reglulegs formannafundar Starfsgreinasambandsins (SGS) í gær, að sögn Björns Snæbjörnssonar, formanns.

„Í þessari viku höfum við verið að taka stöðuna um hvernig viðræður við Samtök atvinnulífsins (SA) hafa gengið. Það var fundur í samninganefndinni á þriðjudaginn var. Svo fóru menn heim í félögin og könnuðu hvernig fólkinu litist á stöðuna. Við höfum verið að skoða vinnutímamál og eins hefur verið rætt um hvort vísa eigi viðræðunum til ríkissáttasemjara fyrir jól eða ekki,“ segir Björn í Morgunblaðinu í dag.

Hann sagði að fundurinn í gær hefði samþykkt að vísa deilunni ekki til sáttasemjara fyrir jól, sjö félög vildu vísa en ellefu félög vildu það ekki. Björn sagði að staðan yrði skoðuð aftur strax eftir áramótin.

Tengdar fréttir

Kjaraviðræður

Formenn funda aftur með ríkissáttasemjara á morgun

• Formenn KÍ og SÍS funda með ríkissáttasemjara
• „Sýnum þessu börnum og ungmennum nærgætni“
• Komið „meira púður“ í viðræðurnar
• Deilan enn í hnút eftir tveggja vikna verkföll

» Fleiri tengdar fréttir