Sprengdur í tveimur hlutum
Setja bókamerki
Akraneskaupstaður skrifaði í dag undir samning við fyrirtækið Work North um niðurrif á Sementsstrompinum og hljóðar hann upp á 26 milljónir króna. Strompurinn verður sprengdur niður í tveimur hlutum.
Sérfræðingar frá dönsku verkfræðifyrirtæki hafa veitt ráðgjöf við niðurrifið.
Að sögn Sævars Freys Þráinssonar, bæjarstjóra Akraness, verður strompurinn tekinn niður einhvern tímann á fyrstu sex vikum nýs árs.
„Þegar þar að kemur munum við auglýsa það vel,“ segir Sævar Freyr og nefnir að ákveðin hús sem eru staðsett alveg við strompinn verða rýmd í öryggisskyni. Miðað er við hús í 30 metra radíus og verða þrjú til fjögur hús rýmd.
Work North hóf í dag undirbúning vegna niðurrifsins eftir að samningurinn hafði verið undirritaður. Fyrirtækið hefur einnig annast niðurrif Sementsverksmiðjunnar og að sögn Sævars Freys hefur verkefnið gengið vel. Aðeins er lokafrágangur eftir.
Vonir bundnar við morgundaginn
Unnið að hraunkælingu allan sólarhringinn
Íslensk kona handtekin á Tenerife eftir líkamsárás
Fundur hafinn hjá kennurum, ríki og sveitarfélögum
Börnin eiga að ýta við foreldrum sínum
Fæðuöryggi: „Áttum mat í þrjár vikur“
Dæla, kæla og verja mikilvæg mannvirki
Rannsókn á menningarnæturmáli lokið