Starfsmenn ferðaþjónustufyrirtækjanna stóðu víða vaktina á aðfangadag, jóladag og í gær, annan í jólum. Hjá Kynnisferðum, líkt og mörgum rútufyrirtækjanna, var þjónustan nokkuð hefðbundin þrátt fyrir jól.

„Það hefur gengið afskaplega vel þessi jólin og töluvert verið að gera,“ segir Jóhanna Hreiðarsdóttir, rekstrarstjóri þjónustu og ferða Kynnisferða. Hún segir að fyrirtækið hafi boðið upp á Gullna hringinn, Suðurströndina og aðrar vinsælar leiðir öll jólin, en eitthvað af lengri ferðum hafi staðið til boða á aðfangadag auk síðustu ferðar dagsins í Gullna hringinn.

„Við reynum að stilla þetta þannig af að fólkið okkar komist heim í mat með fjölskyldum sínum,“ segir Jóhanna. Á jóladag fór fyrirtækið með 500 manns í norðurljósaferð en ekki var farið í gær vegna slæmra veðurskilyrða, að því er fram kemur í Morgunblaðinu í dag.

Tengdar fréttir

Ferðamenn á Íslandi

Færri ferðamönnum gæti fylgt hraðari lækkun stýrivaxta

• Láta vonskuveður ekki stoppa sig
• Beint: Þúsundir horfa á Íslandsferð kóreskrar stjörnu
• Langþráð hótel gæti risið á næsta ári
• Rokselja sólmyrkvaferðir til Íslands

» Fleiri tengdar fréttir