Katrín skaut rótum hjá björgunarsveitunum

„Ég hef nú oft skotið upp flugeldum en mér finnst þetta mjög góður valkostur að geta stutt við starf björgunarsveitanna og um leið stutt við skógrækt.“

Þetta sagði Katrín Jakobsdóttir forsætisráðherra í gær, þegar hún varð fyrst til þess að kaupa „Rótarskot“ í flugeldasölu björgunarsveitanna í gærmorgun.

Rótarskotið er hugsað sem valmöguleiki fyrir þá sem vilja styðja björgunarsveitirnar án þess að kaupa flugelda.