Innlent | Morgunblaðið | 3.1.2019 | 5:30 | Uppfært 5:48

Aldrei leitað fleiri týndra barna

Leitar að týndum börnum. Guðmundur Fylkisson segir að börnin sýni honum virðingu og hafi aldrei beitt hann ofbeldi. mbl.is/Árni Sæberg

Lögreglu bárust 285 leitarbeiðnir vegna týndra barna í fyrra. Árið þar á undan voru leitarbeiðnirnar 249 og árið 2016 voru þær 190.

Guðmundur Fylkisson, aðalvarðstjóri hjá lögreglunni á höfuðborgarsvæðinu, segir að yngri hópur krakka en áður sé farinn að sprauta sig með eiturlyfjum, að því er fram kemur í fréttaskýringu um þetta efni í Morgunblaðinu í dag.

Þar segir að í fyrra hafi borist 285 leitarbeiðnir vegna týndra barna í fyrra og að 18 sinnum var ekki pláss fyrir börn sem leitað var að í neyðarvistun Stuðla.