Yfirfullar grenndarstöðvar

Nú þegar mikil neysluhátíð er afstaðin flæðir víða upp úr ruslatunnum. Starfsmenn sveitarfélaga vinna nú að því að safna rusli eftir jól og áramót. Víða eru grenndarstöðvar orðnar yfirfullar og rusl tekið að safnast upp við hlið þeirra.

mbl.is fór á stúfana í morgun og kíkti á nokkrar grenndarstöðvar í borginni en flestar voru þær fullar af rusli og hrúgur byrjaðar að myndast við hlið gámanna. Sveitarfélögin hirða flest flugeldarusl af opnum svæðum en ekki er farið inn á einkalóðir til að tína upp eftir hátíðarhöldin.