Helmingur hlynntur afsögn Ágúst Ólafs
Setja bókamerki
Á bilinu 51-52% Íslendinga eru hlynnt afsögn Ágústs Ólafs Ágústssonar, þingmanns Samfylkingarinnar. Á milli 31% og 32% eru í meðallagi hlynnt/andvíg afsögn hans og um 17% andvíg.
Þetta kemur fram í skoðanakönnun Maskínu.
Ágúst Ólafur greindi frá því í byrjun desember að hann ætlaði í tveggja mánaða leyfi eftir áminningar sem hann fékk frá trúnaðarnefnd Samfylkingarinnar vegna kynferðislegrar áreitni í garð konu í miðbæ Reykjavíkur.
Mun fleiri voru hlynntir afsögn sexmenninganna úr Miðflokknum og Flokki fólksins í desember síðastliðnum í kjölfar umdeildra ummæla þeirra á opinberum stað. Þar voru 74-91% Íslendinga hlynnt því að þingmennirnir myndu segja af sér.
Með hækkandi aldri eru Íslendingar líklegri til þess að vera andvígir afsögn Ágústs Ólafs. Þeir sem lokið hafa framhaldsskólaprófi eða iðnmenntun eru hlynntastir henni (58,8%) og háskólamenntaðir andvígastir (19,3%).
Íslendingar með heimilistekjur lægri en 550 þúsund eru hlynntastir því að Ágúst Ólafur segi af sér eða um 60%. Tekjuhæsti hópurinn er andvígastur afsögn hans (25,5%).
Kjósendur Framsóknarflokksins og Pírata eru hlynntastir afsögn Ágústs Ólafs (66-67%) en kjósendur Miðflokksins andvígastir (45,8%).
Svarendur voru 817 talsins og komu úr Þjóðgátt Maskínu, sem er þjóðhópur fólks dreginn með tilviljun úr Þjóðskrá og svarar á netinu. Svarendur eru af báðum kynjum, alls staðar að af landinu og á aldrinum 18 ára og eldri. Gögnin eru vigtuð með tilliti til kyns, aldurs og búsetu. Könnunin fór fram dagana 14.-28. desember 2018.
Alvarlega veikar og greindust að lokum með alnæmi
Endurskoða starfsleyfi bálstofu kirkjugarðanna
Konur og börn „næstum 70%“ látinna á Gasa
Þungt hugsi yfir ofbeldinu
Óformlegt eftirlit vegna hryðjuverka
Bindur vonir við að koma fjárlögunum í gegn
Víðir gerir upp mistök frá covid-tímanum
Einn á slysadeild eftir hópslagsmál