Mótmæla R-leiðinni um Reykhólahrepp

Sveitarstjóri Reykhólahrepps fékk nú í morgun afhentan undirskriftalista þar sem mótmælt er að Reykhólaleiðin, svonefnd R-leið, verði valin fyrir Vestfjarðaveg, að því er fréttavefurinn Bæjarins besta greinir frá.

„Við ábúendur, íbúar og aðrir sem málið varðar viljum mótmæla því að svokölluð R leið verði valin sem hluti af stofnvegakerfi fyrir sunnanverða Vestfirði með tilheyrandi vegalagningu út Reykjanesið og stóraukinni umferð út Barmahlíðina,“ segir í bréfi með undirskriftalistanum.

Frétt af mbl.is

Vel mætt á fund um Vestfjarðarveg

Hefur Bæjarins besta eftir Kristjáni Þór Ebernesersyni, bónda á Stað, að hann telji meirihluta íbúa hreppsins vera mótfallinn R-leiðinni.

Frétt af mbl.is

Snúa sér beint til íbúanna

95 manns skrifuðu undir undirskriftalistann og eru tveir þriðju hlutar þeirra með lögheimili í hreppnum. Sá þriðjungur sem er með lögheimili utan hrepps á þar svo ýmist fasteignir, jarðir eða fyrirtæki. Undirskriftalisti með R-leiðinni, sem afhentur var sveitarstjóra síðasta vor, var með 52 undirskriftir.

Frétt af mbl.is

Reykhólaleið talin vænlegust

Íbúar í Reykhólahreppi voru 259 í byrjun ársins, þar af tæplega 200 á kjörskrá.

• 3 blogg um fréttina

Bloggað um fréttina

• Jóhannes Laxdal Baldvinsson: Arnarlax vill Þ-H leið og sendir fótgöngulið
• Gunnar Heiðarsson: Reykhólar - nafli alheims?
• Ómar Ragnarsson: Eina þorpið á nýrri 235 km þjóðleið.