Unnið hefur verið að því um langt skeið að útfæra leiðir til þess að aðstoða aðila vinnumarkaðarins að ná saman í yfirstandandi kjaraviðræðum og þegar hefur verið gripið til ráðstafana. Þetta segir Bjarni Benediktsson fjármálaráðherra í samtali við mbl.is um mögulega aðkomu ríkisins að kjaraviðræðum.

Þá segir hann mikla vinnu hafa verið lagða í að útfæra svigrúm til þess að lækka tekjuskatt einstaklinga.

Spurður hvort standi til að lækka tekjuskatt á næstunni svarar Bjarni því játandi. „Við boðuðum það að við hefðum tekið frá svigrúm í ríkisfjármálaáætlun til þess að lækka tekjuskattinn og við munum standa við það,“ segir fjármálaráðherra.

Frétt af mbl.is

Ljóst að stjórnvöld þurfi að hafa aðkomu

Bjarni segir ýmsum aðgerðum þegar hafa verið hrint í framkvæmd til þess að mæta kröfum aðila vinnumarkaðarins. „Til að mynda með hækkun atvinnuleysisbóta í fyrra, sömuleiðis þær áherslur að styrkja barnabætur til lágtekjufólks og hækka persónuafsláttinn,“ útskýrir hann.

Hann vísar einnig til þess að sérstakir starfshópar um húsnæðismálin séu að störfum. „Svo eru fleiri atriði sem eru nefnd sem að er mis mikil áhersla lögð á af einstökum aðilum, en ég held að öll þessi mál séu í ágætis farvegi.“

Frétt af mbl.is

Tekjur hafa aukist meira en skattbyrði

Tengdar fréttir

Kjaraviðræður

58% styðja verkfallsaðgerðir kennara

• Sólveig Anna furðar sig á aðferðum kennara
• Viðræður í Karphúsinu ganga misvel
• Svona verður verkfall lækna á Akureyri
• Fatlaður drengur fær ekki þjónustu í verkfalli

» Fleiri tengdar fréttir

• Blogga um frétt