Mikill meirihluti vill seinkun klukku
Setja bókamerki
Rúm 63% Íslendinga eru hlynnt því að klukkunni verði seinkað um eina klukkustund frá því sem nú er, en rúm 36% vilja óbreytta stöðu klukkunnar. Þetta kemur fram í nýrri könnun Maskínu.
Um 23% Íslendinga vilja að klukkan haldist óbreytt, en að fólk sé hvatt til að ganga fyrr til náða með fræðslu. Um 14% vilja að skólar og jafnvel fyrirtæki og stofnanir hefji starfsemi seinna á morgnana og klukkan haldist óbreytt.
Norðlendingar eru hlynntastir seinkun klukkunnar en Austfirðingar eru ólíklegastir til þess að vilja seinka henni.
Þá er talsverður munur á skoðunum Íslendinga eftir því hvaða stjórnmálaflokk þeir myndu kjósa, en kjósendur Viðreisnar eru hlynntastir því að klukkunni yrði seinkað (89,1%). Kjósendur Miðflokksins eru því andvígastir að klukkunni yrði seinkað, en aðeins 50,4% þeirra eru því hlynntir.
Ekki er mikill munur á viðhorfi karla og kvenna gagnvart seinkun klukkunnar, og nánast enginn munur er á vilja Íslendinga eftir því hvaða menntunarstigi þeir hafa lokið.
Tíu börn á spítala, þar af tvö á gjörgæslu
/frimg/1/52/67/1526758.jpg)
„Það er engin ákveðin hreyfing í deilunni“
„Allir tilbúnir að hjálpa“
Útlit fyrir að hallinn verði 17 milljörðum meiri
Nágranninn fannst látinn við nærliggjandi skóla
Ísrael rýfur öll tengsl við UNRWA