Nýrnabilun og lifrarskemmdir algengari
Setja bókamerki
Mikilvægt er að líffæragjöfum fjölgi hérlendis vegna þess að nýrnabilun og lifrarskemmdir verða sífellt algengari hérlendis.
Þetta segir Runólfur Pálsson, yfirlæknir á lyflækningasviði Landspítalans, í samtali við RÚV.
Alls hafa 100 Íslendingar gefið líffæri og um 450 Íslendingar hafa fengið líffæraígræðslu. Í um fimmtán prósentum tilvika í fyrra var því hafnað að gefa líffæri.
Hér á landi hófust líffæraígræðslur árið 2003 með líffærum frá lifandi líffæragjöfum.
Sykursýki er algengasta orsök nýrnabilunar á lokastigi. „Hún hefur verið minna vandamál hér en hjá mörgum þjóðum en það eru breytingar að eiga sér stað og tíðni slíkra sjúkdóma fer vaxandi,“ segir Runólfur, í samtali við RÚV, og nefnir einnig að skorpulifur vegna áfengismisnotkunar hafi aukist.
Ný lög um ætlað samþykki vegna líffæragjafar tóku gildi hér á landi 1. janúar síðastliðinn.
Auka aðgengi að Grindavík
Vonir bundnar við morgundaginn
Íslensk kona handtekin á Tenerife eftir líkamsárás
Ekki hægt að slá gosið út af borðinu strax
Unnið að hraunkælingu allan sólarhringinn
Fundur hafinn hjá kennurum, ríki og sveitarfélögum
Vilja 20 ára dóm í frönsku nauðgunarmáli