„Í hvaða heimi lifir Hjálmar Sveinsson?“

Kolbrún Baldursdóttir furðar sig á fréttum af því að útilistaverkið Pálmatré hafi borið sig­ur úr být­um í sam­keppn­inni um útil­ista­verk í Voga­byggð. Kostnaður vegna verksins nemur 140 milljónum króna.

Í fréttatilkynningu kemur fram að verkefnið verði kostað sameiginlega af Reykjavíkurborg og lóðaeigendum í Vogabyggð. „Og allir skála fyrir þessu,“ segir Kolbrún og spyr í hvaða heimi Hjálmar Sveinsson, borgarfulltrúi og formaður dómnefndar, lifi.

Frétt af mbl.is

Pálmatré í Vogabyggð

Hún segir að með þessu sé staðfest hvar forgangsröðun borgarinnar liggi. Hún sé ekki hjá börnum og fólki sem bíði á biðlista eftir húsnæði eða nái engan veginn endum saman.

„Ég vil minna á biðlista í húsnæði, fólk sem nær ekki endum saman, biðlista barna í alla mögulega þjónustu. Þrá borgarbúar eitthvað suðrænt! Hvar hefur það verið staðfest? Er ekki tímabært að meirihlutinn reyni að fara að snerta jörð?“ spyr Kolbrún.

„Hjálmar Sveinsson lifir í einhverjum allt öðrum heimi en hinn almenni borgarbúi,“ segir Kolbrún og bætir við að hún vilji að allir eigi fyrst og fremst fæði, klæði og húsnæði. „Ekki étur maður pálmatré?“

• 3 blogg um fréttina

Bloggað um fréttina

• Örn Gunnlaugsson: Hjálmar og Dagur í formalíni.
• Hallmundur Kristinsson: Skítur á priki
• Þorsteinn Siglaugsson: Hvers vegna tré?